BRIDGE.

JONILL STORØY med på laget som vart seriemeistar

1. divisjon damer 2004.

Sluttspelet i seriemeisterskapet for damer, 1. divisjon, vart arrangert i Oslo 04.– 06. juni. 12 lag frå heile landet spelte om medaljane.

Frå vårt fylke hadde lag Balevik  (Jorunn Tennefoss/Synnøve Balevik, Balestrand og Randi Aven/ Kristin Ouren, Høyanger) kvalifisert seg.

Dessuten spelte Jonill Storøy, Førde, på lag Hordaland.

Det vart spelt 12-spels kampar, alt i alt 132 spel, frå fredag klokka 18. t.o.m. søndag klokka 16.00.

Hordaland låg heile tida godt an, og då siste kamp var ferdig, var det klart at gullet gjekk til det samansette laget Kristine Breivik/Sølvi Remen, Bergen, og Jonill Storøy/Siv Thoresen, Førde/Oslo. Vi gratulerer Jonill med den fantastiske prestasjonen.

Sølvet gjekk til Finnmark og bronsen til Vest- Agder.

Laget frå Sogn og Fjordane gjorde det rimeleg bra. Laget vann 4 av 11 kampar, men 3 kampar med lite poeng øydela plasseringa samanlagt. Men det var ei triveleg turnering på Bridgesenter Vest, godt leia av Pernille Lindås.   

Med helsing

Synnøve Balevik